ተልመዴን(🚗) ፍርያት ናይ ትካል ዘመን ሶሉሽንስ (zemensolutions) ኮይኑ ንተዛረብቲ ቃንቃ ትግርኛ በቲ ዝመልክዎ ቃንቃ፡ ሕግታት ትራፊክ ወይ ምምራሕ ማኪና ንክመሃሩን ክለማመዱን ኣብ ሞባይል ኣውሪድና ንጥቀመሉ መተግበሪ ወይ ኣፕሊከሽን ኢዩ። ነዚ ስራሕ ንምስራሕ ኣዚዩ ብዙሕ ሃልክን ግዜን ኡካ እንተሓተተ፣ ተወዲኡ ሰባት ክጥቀምሉ ምርኣይ ግን እቲ ዝዓበየ ዓወትን ዕግበትን ስለ ዝኾነ ኣብ ትሕዝቶ ይኹን ኣቀራርባ ንዝራኣዩ ጉድለታት ክትሕብሩናን ክትእርሙናን በዚ ኣጋጣሚ ንላቦ።

ኣብዚ ቀሪቦም ካብ ዘለዉ ጽሑፋትን መለማመዲ ሕቶታትን እዋናውያን ኮይኖም ብልጽነቶም ድማ ምስ በዓል መዚ መጋዓዝያ ሽወደን(transportstyrelsen) ከምኡ ዉን መንግስታዊ ክፍሊ ሙቁጽጻር ትራፊክ(trafikverket) ብዝኽተሉዎ መስርሕ ተገምጊሙን ተኣሪሙን ዝቀርብ ኮይኑ፡ ናይ ተማሃሮ ደረጃ ፍልጠቶም ኣብ ትራፊክ ክብ ኣብ ምባል ዝጻወቶ ታራ ቀሊል ከምዘይከዉን ብምትእምማን ንገልጽ። ሒዙዎ ቀሪቡ ካብ ዘሎ ትሕዝቶታት'ምበኣር፡

✔️ ልዕሊ 500 እዋናዊ መለማመዲ ሕቶታት
✔️ ልዕሊ 250 ስእልታትን መግለጺታትን
✔️ ልዕሊ 400 ማለት ናይ ሽወደን ብምሉኡ ምልክታት ትራፊክ
✔️ ሕጋጋትን ክልሰ ሓሳብ ምምራሕ ማኪና
✔️ ተወሰኺ መብርሂታት ንመለማመዲ ሕቶታት
✔️ ልምምድ ፈተና ነካይደሉ ዓምዲ
✔️ ከምኡ ዉን መምርሒ ፍቃድ ንምውጻእ ዝሕግዝ ዝርዝር ሓበሬታ

እዞም ኣብ ላዕሊ ተጠቂሶም ዘለዉ ገለ ካብ ትሕዝቶታት ተልመዴን ኮይኖም መዓልታዊ ድማ ሓደሽቲ ሕቶታት ይውሰኹዎ። ኣብ ኢድና ዘሎ፡ ልዕሊ 1000 ሕቶታት'ኡካ እንተኾኑ፡ ብቅዓቶምን እዋናውነቶምን ተራእዩ ድማ ተጻፊፎም ክውሰኹ ሙኻኖም በዚ ኣጋጣሚ ነረጋግጸልኩም።

ተልመዴን ኣብ ናይ ሽወደን ሕግታት ትራፊክ ተሞርኪሱ ኩሎም እዋናውያን ሕጋጋትን ትሕዝቶታትን ኣማሊኡ ዝተሰርሐ ኢዩ። ንተዛረብቲ ትግርኛ ኣብ ሽወደን ቀንዲ ዕላማ ዝገበረ ስለ ዝኾነ ንዝህሉ ቅሬታ ኣቀዲምና ይቅሬታ ንሓትት። ኮይኑ ግን ሕግታት ትራፊክ ናይ ዝበዘሓ ሃገራት ሓደን ተመሳሳልን ምስ ሙኻኑ፣ ከምኡ ዉን ዓለም ለኻዊ ክሳብ ዝኾነ ሓደ ሓደ ፍልልያት ገዲፍና ንመጽናዕትን ልምምድን ዓቢ ተራ ክህልዎ ስለ ዝኽእል፡ እቶም ኣብ ካልእ ሃገራት እንቅመጥ ክንጥቀመሉን ክንመሃረሉን ከምዝከኣል ክንሕብር ንፈቱ።

ናይ ተልመዴን ትሕዝቶታት ክንጥቀመሉ ግድን ኢንተርነት ክህልወና ኣለዎ፣ እዚ ዝኾነሉ ምኽንያት፡ ሕግታት ትራፊክ ቀጻሊ ዝሕደሱን ዝመሓየሹን ምስ ምኻኖም፣ ትሕዝቶ እዛ መተግበሪ ወይ ኣፕሊከሺን፡ ቀጻሊ ንምክትታልን ምሕዳስን ሙኻኑ ክንሕብር ንፈቱ። ትሕዝቶ ተልመዴን ንምህብታም ኣብ ቀጻሊ ስራሕን ዕዮን ስለ ዘለና፡ ዝጎደለ ምስ ዝህሉ ክትሓቱናን ክትውከሱናን ከምትኽሉ ብትሕትና ነፍልጥ።